但之后见佢同平时有ｄ唔同，手车ｃｈｏｋ左又好燥
咁，为左我既安全同满足我八卦心态，我忍唔住叫佢停车泊埋一边，之后我落车
去７仔买左两支野饮，上车后俾左支佢，希望佢饮啖水冷静下先再开车。佢见我
咁做即刻好唔好意思系咁ｓａｙｓｏｒｒｙ……
Ｙ：太太，对唔住，头先我知自己好唔ｐｒｏ……
Ｍ：唔紧要，你慢慢饮啖水先，我唔赶时间。
（隔左阵我终於忍唔住问佢）
你无事嘛？我头先见你讲电话有ｄ激动，其实你唔介意可以话我知咩事，睇
下我帮唔帮到你……
Ｙ：无事无事，太太你唔好介意，我保证唔会有下次。
Ｍ：我唔系怪你呀，只系见你平时都好冷静，好少见你咁？……
Ｙ：我真系ｏｋ架啦，我而家可以开车……
咁佢唔讲我都无再追问，而佢个电话之后都震左几次，好明显有人系咁ｃａ
ｌｌ佢，但佢开紧工系唔会听私人电话，所以最后佢索性熄埋。呢日之后我都有
留意下佢有无唔妥，咁因为佢太木独，所以其实开心定唔开心都唔系好睇到。
隔左一排佢都无乜异样，咁我都唔记得左件事。平时呀贤６点就放工，如果
有时我地两公婆有应酬饭局，就会叫佢ＯＴ，计番钱俾佢。有晚我约左朋友食饭
饮野，咁返屋企系车途中可能因为饮左酒，我变得大胆左，於是我就系咁了佢倾
计……
Ｍ：呀贤你有无女朋友？
Ｙ：无呀
Ｍ：我唔信，你咁好仔点会无呀
（佢静左阵之后再问我）
Ｙ：太太，我想问你一个问题……得唔得？
Ｍ：当然可以啦……
Ｙ：其实你地ｄ女仔系咪真系好介意男朋友搵钱唔多又唔系做咩高尚职业既
呢？
佢一咁问我都即刻估到系咩事……原来佢之前有个拍左６年拖既女友，大家
一向好地地，但自从佢俾人裁转做司机后，个女仔就开始唔锺意，因为个女仔本
身系中环做ＯＬ，所以都想个男友做ｏｆｆｉｃｅ工……
Ｙ：我读书唔多，Ｆ。７毕业咋，之前都系做个ｓｈｉｐｐｉｎｇｃｌｅｒ
ｋ仔，我唔觉得比做司机有几大分别，而且我最怕ｄ咩办公室政治，又唔识擦鞋，
所以果时第一个咪裁我啰，我真系好怕呢ｄ人事野，反而而家日日？车仲岩我…
…但佢唔明，佢系都要我返ｏｆｆｉｃｅ工，所以最后大家就分左手……
（其实我都好认同呀贤，因为佢份人好静又老实，真系唔会识面对ｄｐｏｌ
ｉｔｉｃｓ）
Ｍ：可能你地两个价值观唔同啦，我自己觉得职业无分贵贱，男人最重要系
有上进心，今日你做司机，难保他日你有成队车队做老板架嘛……不过都过左去，
你都唔好太伤心，你份人咁老实，实有第二ｄ女仔识欣赏你……
Ｙ：我其实放低左架喇，因为我知佢分手时其实已经识左第二个男仔，同佢
一样中环返工，所以我都无去烦佢，但系，佢无啦啦又要搵番我……真系好烦
（原来个女仔既新欢系个花ｆｉｔ仔，个女仔唔开心时就搵番呀贤呻，又暗
示想一齐番，但呀贤知佢唔会同果个男仔分手，只系搵佢做水泡）
我都好意外佢会同我讲呢ｄ野，但同佢倾完后对佢又了解多左，呢晚之后我
地开始熟络左，可能又因为大家年几差不多，所以几岩倾，有时