料之外，为咗唔想穿煲，我要扮饮得！跟住我就呷大啖啲，呢一次好啲，
饮得比较顺畅，因为我已经知道杯嘢大概系乜嘢味道。其实我饮咗落肚都唔知呢
杯ＲｕｓｔｙＮａｉｌ系用乜嘢沟嘅，有啲甜，有啲甘草味，不过我都觉得啲味
道都唔太差，虽然酒精成份高咗啲。接住落嚟嗰五分钟，我就硬住头皮，「监硬」
饮晒呢杯嘢落肚。
「好。」我扮晒嘢咁讲，跟住递番只空杯俾阿Ｂｏｂ。
我个仔转身行埋去个酒吧度，好快佢又递多杯ＲｕｓｔｙＮａｉｌ俾我饮。
佢啲ｆｒｉｅｎｄ就话阿Ｂｏｂ唔公道，霸鬼住个酒吧，仲笑有个「人肉公仔」
ＲａｇｇｅｄｙＡｎｎ要佢照顾。我个囝囝唔鬼啋佢地，带住我行去自助餐嘅餐
枱。揾咗两个位，放低酒杯，之后一齐去攞嘢食。
个自助餐主要供应新鲜蔬菜ｄｉｐ，ｃｈｉｐｓ同ｓａｌｓａ，仲有各种冷
盘，生菜，西番茄，芝士牛油面包同好多款嘅三文治，日本鼓油鸡翼。我以前都
试过同Ｋａｔｈｙ去食过自助餐，我知道佢锺意食鸡翼同菜，尤其系西兰花。於
是今晚我就将个碟堆满鸡翼同西兰花之后，返番埋去餐枱度同阿Ｂｏｂ一齐食，
扮晒Ｋａｔｈｙ食嘢嘅口味。
我地一边食，一边细细声倾偈，我由得我个仔阿Ｂｏｂ佢展开话题，佢就天
南地北，无所不谈，我主要系食鸡翼，不时点吓头赞同佢嘅意见，继缤饮我嗰第
二杯嘅ＲｕｓｔｙＮａｉｌ。啲酒精令我成个人嘅感觉轻松晒，好舒畅，而当队
Ｂａｎｄ开始演奏嗰阵，我觉得有少少头晕眼花，开始有啲醉意。兼且啲音乐声
太大，我地都倾唔倒偈，真系估唔到依家啲后生仔女嘅Ｐａｒｔｙ系咁吵耳。
当我地食嘢嗰阵，好多阿Ｂｏｂ嘅朋友都走埋嚟圢吓招呼，包括佢最好嘅朋
友阿Ｖｉｎｃｅ，原来佢扮做海盗。我记得Ｋａｔｈｙ旧年同阿Ｂｏｂ去圣诞Ｐ
ａｒｔｙ之后埋怨话阿Ｖｉｎｃｅ啱啱系意大利罗马旅完行返嚟，好学唔学，学
咗罗马啲男人专摸女人个屁股抽水，我对阿Ｖｉｎｃｅ嘅印象麻麻。而依家我觉
得呢个男人到我实，佢双眼好鬼淫，好似想将我剥清光，全裸一丝不挂咁。
阿Ｂｏｂ另一个Ｆｒｉｅｎｄ，阿Ｅａｒ上次圣诞扮「精灵」，根
据Ｋａｔｈｙ事后讲，佢亦系同阿Ｖｉｎｃｅ一样咁咸湿，最锺意抽女人水。但
系今晚阿Ｅａｒ就着咗件长长嘅棕色袈裟扮和尚。而佢地两个都有带女
朋友嚟，Ｖｉｎｃｅ个女友就几丰满，打扮成一个「超重」嘅Ｅｌｖｉｒａ而Ｅ
ａｒ嗰个女友就扮尼姑，衬番佢个和尚男友。
啲酒依家真系搞到我头晕眼花。竟然将用过个只餐碟掉咗入垃圾桶。
跟住阿仔请我出去舞池跳舞。我早几年上过啲俾业余人士上嘅舞蹈班，但系
对Ｗａｌｔｚ同狐步就只系识小小，我怕我嘅「舞技」比唔上Ｋａｔｈｙ，咁就
好易穿崩，但系喺依家嘅情况下，我谂唔倒办法去推阿Ｂｏｂ，甩唔倒身，唯有
「死顶」，「顶」得几耐得几耐。
系泳池侧边个舞池度，阿Ｂｏｂ佢带住我跳咗只Ｏｌｄｓｃｈｏｏｌ嘅慢四
步，跟住队Ｂａｎｄ奏出一只比较热闹兼系快节奏嘅Ｄｉｓｃｏ音乐，大家围圈
跳，无乜身体接触。我真系松一口气。完咗呢只舞之后，阿Ｂｏｂ佢又走去酒吧，
番嚟嗰阵又